Cyfarfodydd y Cyngor

Mae Cyngor Tref Aberystwyth yn gweithredu system o Bwyllgorau ymgynghorol sy’n adrodd i’r Cyngor Llawn. Fel rheol cynhelir pedwar cyfarfod mewn mis; Pwyllgor Cynllunio, Pwyllgor Rheoli Cyffredinol, Pwyllgor Cyllid a Sefydliadau a’r Cyngor Llawn. Cynhelir Cyfarfod Cyffredinol Blynyddol ym mis Mai bob blwyddyn.

Mae cyfarfodydd y Cyngor Llawn a Phwyllgorau yn agored i’r cyhoedd eu mynychu, oni bai eu bod wedi’u cau’n benodol i drafod mater sensitif. Cynhelir cyfarfodydd wyneb yn wyneb ac ar-lein trwy Microsoft Teams, ac fel arfer fe’u cynhelir ar nos Lun am 6:30pm.